fbpx

Kico bo por raporta ?

Sea cu un propiedad publico mester di wordo drecha, ta den mal condicion of ta presenta un peliger pa abo y otro ciudadanonan bo por raporta esaki cu InfrAruba.com. Esaki ta aplicabel pa:

 

  • Caminda
  • Luznan di caya y trafico
  • Matanan den areanan publico
  • Areanan publico cu mester di atencion y cuido

Tur ciudadano merece di biba na paz den un ambiente sigur y sano. Den caso cu esaki ta wordo afecta pa motibo di un otro persona of organisacion bo por raporta esaki cu InfrAruba.com. Esaki ta aplicabel pa:

  • Tiramento di sushi riba areanan publico
  • Dumpnan ilegal
  • Contaminacion di naturalesa su flora y fauna
  • Animalnan sin supervision
  • Molester manera sonido, stof of mal holor ocasiona pa otronan. 

Aruba tin regla- y leynan encuanto desaroyo teritorial  pa asina maneho espacio, calidad y seguridad di pa desaroyonan priva, comercial y gubernamental. Si abo ta mira un violacion of un situacion peligroso pa abo y otro ciudadanonan bo por raporta esaki cu InfrAruba.com. Esaki ta aplicabel pa:

  • Construccionnan y desaroyonan ilegal
  • Abuso di facilidadnan gubernamental
  • Actividadnan comercial cu ta trece molester den areanan residencial
  • Practicanan tecnico peligroso of cu ta crea estorbo fisico, tecnologico of ambiental

News

Aruba Life Organics: Ofreciendo make-up y sunscreen sin Oxybenzone of otro ingrediente toxico pa 4 aña.

Aruba Life Organics: Ofreciendo make-up y sunscreen sin Oxybenzone of otro ingrediente toxico pa 4 aña.

Manera ta conoci, desde 1 Januari 2019, Gobierno di Aruba a anuncia prohibicion di uzo di productonan di plastico di solo uzo, Oxybenzone y Styrofoam.…
Prohibicion di plastic, Oxybenzone y Styrofoam na Aruba lo wordo aprecia internacionalmente

Prohibicion di plastic, Oxybenzone y Styrofoam na Aruba lo wordo aprecia internacionalmente

Mas y mas comerciantenan local ta poniendo cabes hunto y tumando accion den cuadro cu prohibicion di importacion y produccion di productonan di plastic di…
Aruba Aloe ta bin cu liña nobo di sunscreen sin oxybenzone pa cuida nos coralnan.

Aruba Aloe ta bin cu liña nobo di sunscreen sin oxybenzone pa cuida nos coralnan.

Manera conoci, gobierno di Aruba recientemente a anuncia cu entrante 1 januari 2019 lo bin un prohibicion riba importacion y produccion di productonan di plastic…

Bienestar di Aruba ta den nos man​

Awor e ciudadano por tuma accion y contribui na un Aruba mas sostenibel pa medio di nan contribucion ora di raporta incidentenan en conexion cu Aruba su infrastructura, medio ambiente, flora y fauna. Esaki lo conduci cu departamentonan di gobierno por brinda un servicio innovativo, responsabel y mas eficiente. Preservacion di locual ta di nos, specialmente nos flora y fauna, ta un responsabilidad cu nos tur ta carga.

Mescos ta e deber di un gobierno pa entre otro implementa leynan necesario, e cooperacion activo di comunidad tambe ta hunga un rol pa locual ta e desaroyo continuo di un pais. Hunto nos por haci hopi pa nos isla y asina tambe keda motiva otro pa crea un Aruba mas sano, limpi y sostenibel.

Abo ta cla p'e?

Manera conoci, Gobierno di Aruba a bini cu e proposicion di ley relaciona cu prohibicion pa uza productonan di plastic. Awor e conteo oficial ta inicia pa locual ta e prohibicion di plastic solo uzo (straw, cups, styrofoam) y protectornan solar cu ta contene ingredientenan dañino (oxybenzone). Esaki lo sucede den 2 fase pa asina proteha nos medio ambiente y haci nos isla uno mas sostenibel.

FASE 1: Periodo di transicion

Durante e periodo aki lo tin campañanan di conscientisacion no solamente na localnan pero tambe pa nos turistanan tocante e variedad di productonan alternativo y con nos por facilmente biba sin e uzo di plastic.